Malam 15 Ramadhan

Lama sudah nda menulis lam blog ani..Alhamdulillah Allah permudahkan jua untukku menulis lagi dalam blog ani.15 hari sudah tani puasa,nda berasa masa berlalu,jadinya tinggal 15 hari lagi Ramadhan kan meninggalkan ketani..sedih jua rasa hati ani,Mudah-mudahan Allah mempertemukan kita lagi di tahun hadapan Ya Ramadhan..InsyaAllah.

Di malam sempat meluangkan masa sekajap menikmati keindahan ciptaan Allah s.w.t.batah sudah nda menjelajah langit.walaupun di malam atu mata mengantuk banar tapi digagahi jua,rasa kan mengambil gambar bulan panuh,pajal saja tia mata atu.
Teleskop disediakan sudah awal-awal,Semangat banar bah kan meliat bulan.tapi alom dapat meliat sebab awan tebal.Terpaksa tah nunggu,tunggu punya tunggu kurang labih jam 2:30am.barutah nampak "clear" sikit bulan.Alhamdulillah akhirnya dapat jua ku mengambar makhluk Maha Pencipta ani.
ani tah saja gambar yang dapat ku ambil.Inda sampatkan mengambar banyak-banyak,baru dua tiga kali mengambar kepampanan awan tia lagi.
Bulan Oh Bulan..Tekanang plang lagu si Yuna..hehehe

Tanda Kebesaran Allah

"Kami akan memperlihatkan kepada mereka tanda-tanda (kekuasaan) Kami di segala wilayah bumi dan pada diri mereka sendiri, hingga jelas bagi mereka bahwa Al-Quran itu adalah benar. Tiadakah cukup bahwa sesungguhnya Tuhanmu menjadi saksi atas segala sesuatu?" [QS. Al- Fushshilat]

Aku pun lupa sudah dimana ku dapat gambar ani,sebelum apa-apa pada tuan yang empunya gambar ani kira halalkan saja gambar ani ..

Bila direnungkan banar-banar berapa kali tani berfikir dan bersyukur dengan nikmat yang Allah berikan pada ketani.Kadang-kadang atu bilakan memulakan apa-apa keraja pun inda dibaca,kelupahan,maklum saja manusia ani mudah lupa.Tapi pun dipikirkan balik disana tah tani menilai sejauh mana ketani ingat dengan Allah S.W.T.mun ketani sentiasa ingat Allah mustahil jua tani lupa..kan.

Satu lagi bila bab bersyukur.Kebanyakan orang bila disuruh bersyukur mesti menyabut Alhamdulillah.Lurus pulang sudah tu tapi kan lagi bagus rasa syukur atu tani tunjukan dengan amal perbuatan.Jangan sampai ketani termasuk dalam golongan orang yang "cakap tak serupa bikin".Nauzubillahhiminzalik..mohon ketani dijauhkan dari sifat-sifat ani.Apa-apa pun sama-sama ketani beringat,saling nasihat menasihati satu sama lain.

Wahai orang-orang yang beriman! Mengapa kamu memperkatakan apa yang kamu tidak melakukannya! Amat besar kebenciannya di sisi Allah - kamu memperkatakan sesuatu yang kamu tidak melakukannya.[As-Saff ayat 2-3]

Balik Kampung

Ani masaku dalam Belun,sampat jua ngambil gambar.Gatal tangan kan mengambil gambar saja.Bisai viewnya bah jadi indalahku melapas peluang ngambil gambar..mun inda salah aku ngambil gambar ani antara jam 6:30pm 6:55pm.Flightku sebenarnya kol 6:25pm tapi awal terabang lam kol 6:20pm.Atu pun diorang lama nunggu aku,mun inda awal lagi terabang kali.aku orang yang terakhir masuk belon,berapa kalikah diorang memanggil indaku tedangar,last-last terpaksa diorang nelipun aku.Mbari malu jua rasanya eh..hehehehe.

Kalimah ALLAH

Gambar ani ku ambil masa ku balik kerja,on the way kan balik ke rumah.
Makai kamera Hp Nokia N73.
Tengah memandu lagi tu sampat jua ngambil gambar,malaskan beranti ke siring.

Bulan

rate attorneys


Ani tah bulan yang ku ambil makai teleskop..testing baru ni,maklum saja baru tah kan belajar camanakan menjelajah langit..hehe